Estamos a día 2 de decembro, ¡que barbaridade! Xa faltan poucos días
para o Nadal... Nestas latitudes, onde me atopo, aquí á beira do mar,
pasamos do vran ó inverno, nun plis-plas... De súpeto, hai unha
humidade aquí en Sada, acrecentada pola proximidade do mar, se cadra, e veña a sacalos calcetíns, xerseis, ect... Os nosos gobernantes
cambiannos A HORA, e ás 7 do serán xa é noite, disque é para sermos
igual que todos en Europa, coma se trocando a hora se fosen xa os nosos
problemas, e as nosas dificultades... E, as nosas diferencias
culturáis... Nós, os galegos, nesta esquina do mundo, aínda que estamos no
mapa de España, somos máis, na miña humilde opinión coma os
portugueses, pois o estar á beira do Atlántico, entrannos tódalas
borrascas, tódolos cambios, tanto meteorolóxicos coma políticos, -e
nós, moi sabiamente- penso eu, e tamén -estoicamente- seguimos
adiante, caladiños, ca nosa vida diaria... Eu polo menos, cando fai
frío digo: "teño que facelo caldo", igual que nosas Avoas e que nosas
Nais! Paseniño, como levan facendo perante séculos. Por España
adiante din de nós que non sabemos nunca se vamos ou se vimos... ¡Como
imos a saber se cando nos erguemos pola mañanciña, temos que
enfrentarnos a varios cambios clímaticos, o longo da xornada!
Hai que ser forte
para resistir, ¡e non lles digo nada os cambios que hai na nosa vida
cotiá, "que si nos conxelan a paga ós Pensionistas, que o Paro estase a
incrementar, que a Sra. Merkel e o Sr. Sarkozy van ¿suspender? o Tratado de Schengen, que quere dicir que as persoas xa non poderán
circular libremente por Europa adiante, ¡e incluso están a falar de
facer unha nova Constitución Europea. (¡Din ben, pois agora, so temos
o Tratado de Lisboa que serve coma Carta Magna, ¡xa que votaron en
contra dela, se vos lembrades varios países). E, por riba están a
falar estos dous "iluminados" de sacarnos do Euro. ¡Co traballiño
que nos custou ós maiores en caer na conta (o euro semella que as
cousas custan menos que antes coa peseta) ¡Non nos decatamos que cada
euro son máis de 166 ptas., das de antes... Por favor, deixénnos estar
coma estamos, os Galegos de tódalas idades queremos seguir ca nosa
vidiña, paseniño caladiñamente que xa temos abondo coa crise
económica, o tempo, ect., e non nos dean sempre malas noticias... ¿Ou é
que en España, e no Mundo non pasa nunca nada bó? Penso que hai aínda
moitas cousas boas ó noso arredor, coma que estamos vivos e coleando,
por exemplo... Acabo de ler varios xornáis: ON LINE, e vaia por Deus... ¿Que tal o de darlle premios ós xornalistas para que resalten nos seus
artigos, cousas alegres?
Mag-Gatita